Wêreld Downsindroom Dag 2020

Wêreld Downsindroom Dag 2020

Sy is ‘n energieke klein dogtertjie wat mal is oor die buitelewe, dans en swem. Nes dit ‘n lyfie van haar ouderdom betaam, hou sy haar ouers behoorlik op hul tone en sien die lewe as ‘n skatkis vol pret.

Yolané is egter ‘n ekstra spesiale dogtertjie want sy het ‘n ekstra kromosoom. Tenspyte hiervan pak sy die lewe soos enige ander kind, met albei handjies, kaalvoet en met oorgaawe aan. Sy is wel met Downsindroom gebore, maar Downsindroom is nie wie sy is nie.

Haar ma, Yolandé, het ‘n week na haar 12 weke roetine ondersoek, die oproep ontvang dat daar ‘n 1 uit 35 kans bestaan dat sy moontlik ‘n babatjie met Downsindroom kan hê. Nadat die uitslae van haar eerste amnosintese misplaas is, en sy vir ‘n tweede toets moes gaan, het sy op 23 weke die nuus ontvang dat die toets postitief was vir Downsindroom.

 

Na baie trane en gebede het daar ‘n kalmte oor Yolandé en haar man Steyn gekom en het hulle besluit om die onbekende pad saam aan te pak. Al sou die pad voorentoe saam met ‘n dogtertjie met Downsindroom, dalk anders aangepak moes word, was hulle dit eens, dat die reis die moeite werd sou wees.

 

Met ‘n onbeskryflike liefde en harte wat oorloop van vreugde het hulle Yolané op 6 Junie 2017 verwelkom. Sy is egter met twee hart defekte gebore, ‘n kondisie wat by meeste babatjies met Downsindroom teenwoordig is.

Tydens haar 6 maande ondersoek is daar vasgestel dat sy ‘n derde hart defek het en die dokters moes opereer. In Januarie 2019 moes sy vir ‘n tweede operasie gaan en alhoewel dit ‘n moeilike mediese jaar vir haar was, het sy nooit ophou glimlag nie.

 

Yolané het al haar mylpale saam die res van haar jaargroep behaal en klim en klouter graag wanneer sy die kans kry. Sy is mal oor musiek en dans graag wanneer die note begin speel.

 

Haar ouers het nog nooit toegelaat dat Downsindroom haar definieër en ‘n beperking stel tot wat sy instaat is nie. Net soos daar in Jeremia 1:5 geskrywe staan:“Voordat Ek jou in die moederskoot gevorm het, het Ek jou geken; voordat jy gebore is, het Ek jou aan My gewy.” Hy het haar perfek na Sy beeld geskape. So kan ons dalk meer leer van God se liefde, by dié klein vrolike woelwater, wat háár liefde onvoorwaardelik uitdeel vir elkeen wat sy ontmoet.

 

Wêreld Downsindroom dag word elke jaar op 21 Maart gevier om mense bewus te maak daarvan dat liefde nie kromosome tel nie.

*Dankie aan Yolandé, Steyn en Yolané dat ons julle storie met die res van die Magies vol liefde familie kan deel.

Comments (2)

Dankie dat jy ons Warrior Prinses se storie met ander deel. Sy is vir ons die beste geskenk wat die Vader ons ooit kon gee. Sy het ons lewens kom verander en laat ons lag (en huil as sy siek) is! Sy maak ons elke dag bewus van ander maatjies met Down sindroom, en natuurlik die wonderlike mammas en pappas wat hulle groot maak. Tummies full of love maak dinge baie makliker vir mamma wat elke dag kossies moet inpak skooltoe. Mag julle van krag tot krag gaan. Ouma Elsie

Karin-Louise Beukes

Ek die voorreg om Yolane te ontmoet sy ‘n pragtige mooi besige dogtertjie en vriendelik en lag altyd. Ek haar Ouma Ella Yolande se ma se vriendin sy’ n wonderlike vriendin en ouma. Yolande baie mooi vrou.

Leave a comment